وجه الفنان المصري حسام حبيب، رسالة حب لزميله الفنان تامر حسني، عبر حسابه الرسمي، وذلك بعد إطلاق الأخير أغنيته الجديدة "مابيتنسيش".

وشارك حسام تابعيه عبر حسابه الرسمي منشور كتب فيه: "أنا بكتب كلمتين من قلبي مش عارف هي مباركة ولا شكر ولا درس وبداية جديدة لجيل أنا فخور إني أكون منه، أخواتي وأصحابي تامر أنت من زمان وأحلامك وأفكارك كانت دايماً تخص جيلك ودايما كنت بتتكلم معانا من وإحنا صغيرين باسم جيلنا مش باسم تامر بس إنت حلمت لجيلك وعلشان كده أنا فعلاً فهمت يعني إيه نجم الجيل كنت زمان فاهم إن المقصود بيها إنك الأنجح وده حقيقي، لكن النهارده فهمت".
وأضاف حبيب: "النجم الثاني أخويا وصاحب أجمد صوت وإحساس (رامي) كان دايماً بيقولي: أنا بحلم وعندي هدف... أنتم فرّحتوني وامتعتوني وخليتوني أفتخر إني من الجيل ده... شكراً إنكم فتحتم نفسي وخلّيتوني أحب المزيكا يمكن أكثر من الأول يا جيل جامد وجامد قوي".
وبدوره رد تامر عليه قائلا: "حبيبي يا حسام، إيه الكلام الجميل ده، طول عمرك محترم وإنسان نضيف وفنان كبير... لو استفزناك بجد، يلا ارجع زي الأول وأكثر. ارجع متّعنا بأغانيك الراقية الجميلة والمزيكا الأجمل، لأن ليك جمهور كبير بيستنى شغلك، وأكيد ليهم حق عليك".