حل الفنان مدحت صالح ضيف على برنامج الراديو بيضحك والذي تقدمه الإعلامية فاطمة مصطفى على راديو 9090 وتحدث من خلاله عن العديد من الاشياء الخاصة بحياتها الفنية والمهنية واختياراته لأدواره في التمثيل واغنياته المختلفة.

مدحت صالح: مكنتش عايزة أعمل دور عبد الحليم في مسلسل السندريلا 

تحدث مدحت صالح في تصريحات رصدها موقع تحيا مصر، عن دور عبد الحليم حافظ الذي جسده في مسلسل السندريلا بعد انتشاره مرة أخرى على ساحة مواقع التواصل الاجتماعي المختلفة تزامنا مع تحضير منى زكي بطلة العمل لمسلسل الست، قائلا: مكنتش حابب اعمل دور عبد الحليم حافظ في مسلسل السندريلا وأي حد تاني كان ممكن يعمله أحسن مني.. قبلته لسبب إنساني.

وتابع مدحت صالح حديثه، قائلا: وقررت بعدها أن الحاجة اللي مش هحسها مش هشارك فيها ومش هميل لأي ضغوط إنسانية.

مدحت صالح ومسلسل أبو العروسة 

كما تحدث مدحت صالح عن مسلسل أبو العروسة، قائلا: مسلسل أبو العروسة كان فكرة اجتماعية والفكرة أما تكون اجتماعية بيبقى عندك قماشة كبيرة تغزلي منها اللي انت عايزاه، واحنا كنا في أسرة فكان عندي فرصة إني أغني لأي حد فيها، وكنت متأكد أن تراك بنتي وحبيتي هيعمل حاجة كويسة لان مفيش أب في الدنيا مش بيدي البنت على الولد.

 عن سبب نجاح العمل، قال مدحت صالح: احنا عاملين حاجات من الناس والبيوت فصدقوها وانا كان كل أما يتعرض عليا جزء كنت بنبهبر بيه وبقعد أقرأ السيناريو كامل رغم اني مشغول وعندي أعمال تانية وحفلات وأغاني وغيره.

مدحت صالح: كنت مكسوف وأنا عامل دور ست في مسرحية حزمني يا 

وتطرق مدحت صالح عن مسرحية حزمني يا، قائلا: كنت مكسوف ادخل على المسرح وأنا عامل دور ست في حزمني يا بس الحمدلله عدت على الخير والناس حبيتها.

من ناحية أخرى، كان قد ظهر مدحت صالح في احتفالية عيد الشرطة وقال على هامش الاحتفالية: الشكر لرجال الداخلية قليل عليهم، لأننا كلنا عارفين ومش محتاجين نعيد الحكايات تاني ونقول قد اي هما ضحوا وتعبوا عشان الشعب يعيش في أمان واستقرار.. هدعيلهم ربنا يكرمهم ويفضلوا على العهد محافظين على مصر.