استذكرت الممثلة المصرية نشوى مصطفى، زوجها الراحل عماد، الذي توفي نهاية العام الماضي 2024.

وشاركت نشوى متابعيها عبر حسابها الرسمي، صورة لزوجها وأرفقتها بتعليق مؤثر كتبت فيه: "الله يرحمك ويسعدك ويراضيك يا نور عينيا، عارف يا عماد إمبارح أخويا بيقولي انتي كنتي مهمومة وبتراعي وواخدة بالك مننا كلنا، وأبيه عماد هو الوحيد اللي كان مهموم وواخد باله منك وبيراعيكي ومهتم بيكي".
وأضافت: "يا عماد أنت كنت رزقي الكبير ورزقي انقطع، أنت كنت سندي وضهري وستري، أنت كنت اطمئنان قلبي، أنت كنت سري، كنت بجرى عليك أشتكي لك وتصبرني، اسألك وتفهمني، كنت أبويا ودلوقتى أنا اتيتمت".
وتابعت: "مش هكذب عليك أنا بمثل إني عايشة، قلبي مغروس فيه خنجر وروحي مصلوبة فوق محرقة، نار فراقك بتزيد كل ما الوقت بيعدي مش بتقل، خدعتني ومشيت بسرعة".
واستكملت نشوى: "بينا كلام لسه مخلصش.. بينا أحلام لولادنا وأحفادنا لسه ما اتحققتش، أنت موجود قدام عينيا طول الوقت وصوتك في وداني..ادعيلي يا حبيبي، يا رب امتى اللقا.. اللي بيحب ربنا يدعي لحبيبي بالرحمة ويدعيلي بالصبر ويدعي لولادي بالصبر والثبات".