تحدث الفنان المصري رامي صبري، عن السبب وراء عدم خوضه تجربة التمثيل.

وقال رامي صبري: "بقالي 17 سنة بغني مضيت فيهم 6 عقود تمثيل، لكن قبل خطوة التمثيل بيحصلي حاجة مش عارف من ربنا ولا في حاجة جوايا بتوقفني، أنا عارف قيمة التمثيل والكاميرا والحفظ، أنا مش بعرف أحفظ كويس بحفظ أغنية 10 سطور لكن السيناريو بيبقى صفحات كتير والمفروض بحفظها.أنا فاهم التمثيل وفي المعهد كان عندنا مادة تمثيل وإخراج أنا فاهم الموضوع وشايف إني معنديش الطاقة اللي تخليني اجتهد فيه، والتمثيل عايز وقت وأنا معنديش وقت لأني بشتغل الحفلات ومعنديش ويك أند فاضي الحمد لله، أنا مش عايز ألغي مشروع رامي صبري المغني عشان التمثيل، مع أن كل زمايلي المخرجين والممثلين اللي بحبهم وبحترمهم كنا هنشتغل لكن كل ما أروح معرفش أكمل بحس إني هكون مقصر في نفسي مش عايز حاجة تيجي جنب الغناء".
حديث رامي صبري جاء خلال لقائه في برنامج "حبر سري" من تقديم أسما إبراهيم عبر قناة "القاهرة والناس".