خرج مطرب الراب الشهير ويجز للهجوم على رامي صبري بعد حديثه عن مطرب الراب في آخر لقاء تلفزيوني له والذي تم عرضه أمس الجمعة، مشيرا إلى إنه لا يفهم في الراب شيء مثلما صرح فمن واجبه أن يحترم النجوم الذين يعملون به.

ويجز يهاجم رامي صبري 

وقال ويجز في فيديو رصده موقع تحيا مصر عبر حسابه الرسمي بموقع تبادل الصور والفيديوهات انستجرام عبر خاصية ستوري: هتكلم على فنان فاكر انه عنده الصلاحية انه يطلع يتكلم عن اى حد فى اى وقت والناس تسمع وتسكت .. الفنان دا اسمه رامي والفنان دا كل ما بيقعد من ٤ لـ ٥ شهور يزهق ويطلع يتكلم على بتوع الراب فى التليفزيون، هتكلم امتي على بتوع البوب اللى انت منهم واللى فى مجالك انا شايف مبتفهمش فى الراب حاجة زى ما انت قولت قبل كدة ومش هتعرف تعمله وانت كدة مبتقدرش الفنانين وفاكر أن هما عايزين يوصلولك  وهما اصلا معدينك بكتير انت رقم ١٩ يا رامي انت بعيد اوي.

واختتم ويجز حديثه: جماعة استنوا أغنيتي الجديدة يوم ٢٧ ومش هقولكوا عبارة عن ايه استاذ رامي بقي ممكن يقولنا ويشرحلنا الأغنية دي عبارة عن ايه دا لو فهم.

تعاون ويجز ورامي صبري 

من ناحية أخرى، كانت قد كشفت الفنانة فيفي عبده مفاجأة جديدة عن تعاونها مع ويجز، وذلك في إحدى لقاءاتها التليفزيونية، مشيرة إلى أنه من المطربين المحببين له وسيكون تعاونهم مفاجأة بالنسبة للجمهور، قائلا: في أغنية هو هيعلمها وأنا هكون على الغلاف معاه.. بس خلوها مفاجأة هو يعلن عنها الفترة دي وهينزلها وهو من أكتر المطربين اللي بحبهم.

وكان قد طرح ويجز أغنية أصلي عربي عبر حسابه الرسمي بموقع الفيديوهات الشهير يوتيوب، وتفاعل معها عدد كبير من الجمهور في مصر والوطن العربي، حيث يعد ويجز هو من أكثر النجوم الداعمين للقضية الفلسطينية.

اخر أعمال ويجز

وتقول كلمات الأغنية: أشعار الحب على لساننا ويا بختك يا اللي بتفهمنا، هتكبر وتشوف الدنيا ولا تلقى في جمال عاداتنا، وفّينا ونفّعنا الدنيا ومحدش غيرنا هينفعنا، فرسان تواضعنا وأدبنا نسّانا نقول عملنا، أُبحر في بحور الشعر غير اللي مقالوش الحبر، أقضي حياتي بتعلم في بلاد الجمال والسحر، في بلاد الكرم، والجود في بلاد الإحساس موجود، في بلاد الإنسان له أخوه يقوله بيحصل إيه في دنيتك.