حرصت الشاعر تامر حسين على دعم الملحن إسلام زكي بعد تعرضه لسوء معاملة من مطربة شهيرة، وذلك من خلال منشور عبر حسابه الشخصي على موقع التواصل الاجتماعي فيسبوك.

تامر حسين يدعم إسلام زكي

وكتب تامر حسين في منشوره الذي يرصده موقع تحيا مصر: وإنت مُلحن عبقري ياسولم وموزع جامد فوق م اللى إنت فيه أنا مُش أناني.. ساعة الفُراق.. أيوة إتغيرت راجع.. عكس بعض.. عايز أعمِل زيك وأنسا.. قد الفُراق.. حاتعرف قيمتى.. حارجعك غريب.. حبيبى سلام وغيرهم من العلامات.

وتابع تامر حسين: الفنان ساعات بيحُبط ويزهق من قلة التقدير وعندك حق بس أنت أقوىّ وإن شاء الله اللي  جى خير ليك وربنا يوسع رزقك كمان وكمان كُل حبايبك بيحبوك وشايفنك مُلحن عبقري  والأرزاق على رب العالمين كل اللى حوالينا مُجرد أدوات وأسباب أنا شهادتى فيك مجروحه بس إنت فنان كبير والله يابني وبنى أدم مُحترم ونقي ماتخليش السلبيات دى تاخد من أعصابك وفنك وتجيبلك إكتأب الناس بتموت م الزعل والحُزن  قول يارب ووحد الله.

إسلام زكي يشكو من سوء معاملة مطربة شهيرة معه

وسبق وأن كشف الملحن إسلام زكي عن تعرضه لسوء معاملة من مطربة شهيرة، وذلك من خلال منشور عبر حسابه الشخصي على موقع التواصل الاجتماعي فيسبوك.

وكتب إسلام زكي في منشوره الذي يرصده موقع تحيا مصر: احترمت رغبتك انك مش عايزة تيجي عندي الاستوديو تسمعي عشان مشوار و كدة فا قولت مفيش مشكلة و حضرتلك حاجات و عشان بحبك روحتلك اخر الدنيا برغبة من صديق مشترك حابب يخدمك.

إسلام زكي: ليه بتكرهوا الواحد في الحاجة اللي بيحبها

وتابع: و قعدنا و سمعنا و اخترتي ٣ اغاني و طلبتي ابعتهملك تجربي الطبقة علي صوتك اللي انا كنت شايف انه هيبقي اضافة للاغاني و نشوف هنبداء ننفذ ازاي و امتي و معانا ارقام بعض و قبل ما امشي اتأكد ان الاغاني معاكي علي الواتس اب عشان تسمعيهم براحتك، ليه افضل شهرين او اكتر بحاول اعرف مصير الاغاني ايه و حضرتك مش بتردي عليا تماما و بتنفذي اغاني مع ناس تانية و بتتواصلي معاهم و بتتكلمو اكيد !! هو انتو بتحاسبوني علي احترامي ليكو طيب ؟ هل انا طيب استحق المعاملة دي رغم اني بلغت الصديق المشترك اللي بينا اني مش هيفرق معايا حتي الاجر المهم نقدم حاجة محترمة ، مش شايفن ان دة اذي نفسي لواحد بيحترم شغلة ولا انا اللي حساس بزيادة ولا ايه مش قادر افهم كرهتو الواحد في الحاجة اللي بيحبها والله.