قالت والدة إمام عاشور لاعب النادي الأهلي، أنها سعيد بمستوى إمام عاشور مع النادي الأهلي وتواجده في القلعة الحمراء أمر مميز للغاية، ويستعرض موقع تحيا مصر تصريحات والدة إمام عاشور.

تصريحات والدة إمام عاشور

وأضافت والدة إمام عاشور في تصريحات تليفزيونية مع الإعلامي أحمد شوبير على قناة الأهلي، إمام عاشور على طول بيجيب ليا هدايا بشكل مستمر وسلاسل وفي عيد ميلاد مراته راح جابلي هديها زيها ودايما بيراضيني.

وتابعت والدة إمام عاشور، إمام بار بينا دايما وحنين علينا دايما وعلى العيلة كلها وبتمنى بنته تكون زيه في يوم من الأيام، وعمرة ما بيزعلني نهائيا ومش بيقدر يسيبني زعلانه منه.

وأشارت والدة إمام عاشور، إمام بيكلمني قبل كل مباراة علشان أدعيله بشكل مستمر وبدعيله دايما أن ربنا يوفقك، وكنت بروح معاه النادي في المحلة وهو صغير من السنبلاوين.

والدة إمام عاشور مع أحمد شوبير

وتابعت والدة إمام عاشور، فرحت جداً أول ما إمام عاشور انتقل للنادي الأهلي ومفيش حد يطول يروح النادي الأهلي وحلمنا كان ينتقل للنادي الأهلي من صغرة ومن وقت تواجده مع نادي الزمالك.

واختتمت والدة إمام عاشور تصريحاتها، كنت بكون موجوده مع إمام في المحلة يخلص التمرين ونرجع السنبلاوين من تاني وبتمنى له دايما يكون ناجح مع النادي الأهلي.

والد إمام عاشور: أنا أهلاوي وتركت تشجيع نادي الزمالك.. وهحضر مباريات كأس الانتركونتيننتال في قطر

وأضاف والد إمام عاشور في تصريحات تليفزيونية مع الإعلامي أحمد شوبير على قناة الأهلي، أنا كنت زملكاوي ولكن دلوقتي أنا زملكاوي علشان خاطر إمام عاشور ابني سندي دايما، وتابع والد إمام عاشور، حلمنا كان إن إمام عاشور يلعب للنادي الأهلي من وهو صغير حتى وهو موجود في نادي الزمالك، وأردف والد إمام عاشور، إمام ابني بدعمه بشكل مستمر في النادي الأهلي وبحضر مباريات الفريق ونفسي يشوط بشكل مستمر على المرمى.