قال إمام عاشور لاعب النادي الأهلي، أنه تعرض لحادث سيارة خلال رحلة العودة من التدريب مع نادي غزل المحلة وكانت معه والدته في هذا اليوم، ويستعرض موقع تحيا مصر تصريحات إمام عاشور.

تصريحات إمام عاشور

وأضاف إمام عاشور في تصريحات تليفزيونية مع الإعلامي أحمد شوبير على قناة الأهلي، كنا راكبين أتوبيس وفي رحلة العودة الأتوبيس أتقلب على الطريق وأمي رجليها أتكسرت وأصيبت بخلع في الكتف.

وتابع إمام عاشور، أمي كسرت الباب ورجليها مكسورة وأنا كنت دايما بكون قاعد على رجليها لغاية سن 18 سنة وطلعتني من العربية وهي مصابة وكانت مستمرة في العربية وأمي كانت تدعمني دائما وتتواجد معي.

وواصل إمام عاشور، على مدار 14 سنة وأمي تتواجد معي في التدريبات من السنبلاوين للمحلة وحتى سن 18 سنة كانت تتواجد معي في التدريبات، وكنت أمي بتكون موجودة معايا في المحلة أو نادي الصيد.

إمام عاشور مع أحمد شوبير

وأشار إمام عاشور، أمي كانت بتكون موجودة معايا في التدريبات لمدة 4 ساعات وكانت تتواجد معي في كل مكان وأمي هي سبب نجاحي في الحياة ودايما بتدعمني في كل خطوة.

والدة إمام عاشور: كنت بتمنى انتقال إمام عاشور للنادي الأهلي دايما.. ودايما بيراضيني ومش بيسيبني زعلانة

وأضافت والدة إمام عاشور في تصريحات تليفزيونية مع الإعلامي أحمد شوبير على قناة الأهلي، إمام عاشور على طول بيجيب ليا هدايا بشكل مستمر وسلاسل وفي عيد ميلاد مراته راح جابلي هديها زيها ودايما بيراضيني، وتابعت والدة إمام عاشور، إمام بار بينا دايما وحنين علينا دايما وعلى العيلة كلها وبتمنى بنته تكون زيه في يوم من الأيام، وعمرة ما بيزعلني نهائيا ومش بيقدر يسيبني زعلانه منه، وأشارت والدة إمام عاشور، إمام بيكلمني قبل كل مباراة علشان أدعيله بشكل مستمر وبدعيله دايما أن ربنا يوفقك، وكنت بروح معاه النادي في المحلة وهو صغير من السنبلاوين.