طرحت الفنانة السورية شهد برمدا أغنية بعنوان "إحساسي صفر" كلمات اياد رمضان البني، ألحان طارق شمس، توزيع و ميكس وماسترينغ نزار تارك وسولو وتشيلو محمد نامق.

وتقول كلمات الأغنية :

غيرت فيي كتير
صاير إحساسي صفر
مافي فرح .. مافي حزن
و لا قدرة على التعبير
حالة تلاشي للعدم
مافي رضى .. مافي ندم
وطعم الهنا متل الألم
وكل بلا تأثير
فيي أنا كمل معك
وفيي أنا كمل بلاك
وفيي صونك للأبد
وبيعك بلا وجعة ضمير
هالقد ماعندي شغف
حالة وهن مابينوصف
والعمر ماشي للأسف
مش همو شو بيصير
صاير تالتنا الملل
وقبلتو متل رفيق
ماقبلت سميه الفشل
ولا تعبت بالتفكير
مافي أمل .. مافي يأس
جواتي كلشي والعكس
البنت اللي كنتا أمس
كبرت على بكير