تحدثت الإعلامية منى الشاذلي مع صناع فيلم آل شنب عن المقارنة بين العزاءات في هذه الأيام والعزاءات في زمانها، وكيف كان يوجد احترام للمتوفي وأسرته وتحفظات معينة في هذا الأمر وأصول وعادات وتقاليد.

هيدي كرم عن العزاءات: بقت فاشون شو 

وقالت هيدي كرم خلال لقاءها مع الإعلامية منى الشاذلي والمذاع على قناة أون ورصده موقع تحيا مصر: العزاءات دلوقتي بقت فاشون شو وأنا عندي تحفظ على ده، احنا بنبقى لابسين أحسن حاجة ومجوهرات وعاملين شعرنا مبنبقاش رايحين نحزن.

لتقاطع منى الشاذلي حديثها قائلة: إحنا زمان على أيامنا كان أما يبقى في حد عنده حالة وفاة مش بس لازم يكون قريبنا من الدرجة الأولى لا حتى لو من بعيد، التليفزيون كان بيتقفل ويتحط عليه قماشة كدة.

نورين أبو سعدة: العزاء بالنسبالي أن البس أسود واروح أعزي 

وصدمت نورين أبو سعدة من تصريحات منى الشاذلي عن العزاءات، موضحة: انا بالنسبالي العزاء اني بلبس أي حاجة سودة عندي واروح أعزي واجي كدة يبقى أنا خلصت دوري لكن اقفل التليفزيون أو مخرجش أو كدة دي حاجات معرفهاش بصراحة أول مرة اسمعها.

وكان قد حل صناع فيلم آل شنب ضيوف على برنامج معكم الذي تقدمه الإعلامية منى الشاذلي على قناة أون، وذلك للكشف عن تفاصيل وكواليس تصوير العمل، وذلك في مساء أمس الخميس ومن المقرر أن يعرض الجزء الثاني من الحلقة في مساء اليوم الجمعة بمكان بتمام الساعة الساعة العاشرة.

لبلبة في برنامج معكم منى الشاذلي 

وحلت أيضا الفنانة لبلبة في الجزء الاول من برنامج معكم منى الشاذلي، وتحدثت به عن تفاصيل في حياتها الفنية والشخصية، قائلة: دوري في خلي بالك من جيرانك بيقولوا شبهي جدا، أما اللي مش شبهي خالص فكان دوري في ليلة ساخنة وجنة الشياطين والنعامة والطاووس.

وتابعت لبلبة، أنا كنت رافضة دوري في النعامة والطاووس ومكنش عايزة أشارك في الفيلم هو بالنسبالي الكلام اللي هقوله مش تمثيل ده كلام ومحرج جدا وفيه حاجات رفضت اتكلم فيها والرقابة زمان مكنتش زي دلوقتي، وأما روحت لدكتورة نفسية قالتلي الكلام اللي هتقوليه ده موجود في القرآن ووريتهولي فاقتنعت وعملت الدور.