وعلق المتابعين على التغيير الذي طرأ على ملامح الفنانة سارة سلامة تتغير شكلها بسبب عمليات التجميل التي وصلت لـ 18 عملية تجميل حسبما اعلن البعض.

وبعد انتشار هذا الخبر بشكل كبير عبر المنصات الرقمية، خرجت الفنانة سارة سلامة عن صمتها ووضحت حقيقة قيامها بعمليات تجميل من أجل تغيير شكلها.

وقالت سارة سلامة: أنا متصالحة مع نفسي وطبيعي هيكون في نقد في كل حاجة، مش كل الناس هتقول أنتي كويسة أو وحشة، أنا بالنسبة ليا دي حاجة تافهة، لأنهم بيتكلموا على شكل يعني مش بينتقدوا فني وتمثيلي أو حاجة ليها أهمية أكتر، وأنا بدأت من وأنا طفلة بعمل إعلانات وأول مسلسل عملته في حياتي كان عندي 17 سنة وطبيعي شكلي يتغير.

وتابعت سارة سلامة: الناس شايفة إني عملت عمليات تجميل، أقسم بالله عمري في حياتي ما عملت ولا عملية، هما شايفين أن التغير ده عملية خلاص يشوفوا، أنا معنديش مشكلة في حاجة ينتقدوا براحتهم.

وأضافت سارة سلامة: في ناس إيجابية ومبسوطين جدًا بالدور والتمثيل، ودي حاجة مفرحاني جدًا، وأنا مبشفش الانتقادات دي بالنسبة ليا ضحك، الناس شايفة إني غيرت لون شعري وعملت بوتكس دي بالنسبة ليا ضحك.

الجدير بالذكر أنه يعرض حاليًا مسلسل نقطة سودة من بطولة الفنانة سارة سلامة.