أثارت الاعلامية المصرية هاجر حليم الكثير من الجدل خلال الساعات الماضية، وذلك بعدما وجهت رسالة قوية للرجال، دعتهم فيها الى تقدير زوجاتهم بطريقتها.

وعبر برنامج الجميلة والوحشين، المذاع عبر قناة هي، دعت هاجر حليم الرجال إلى تقدير دور زوجاتهم والاعتراف بما تتحمله النساء من مسؤوليات وضغوط في الحياة اليومية، سواء في العمل أو داخل البيت.

وقالت هاجر خلال حديثها: بصراحة، أنا عايزة أقول حاجة مهمة جدًا، إحنا عايشين في مجتمع ظلم الست كتير، من وهي صغيرة بتتسمع كلام زي خليكي عاقلة أو ممنوع تشتغلي في المجال ده، ولما تكبر بتبدأ تسمع كلام زي انسي نفسك وركزي على جوزك وولادك ده مش عيب، بس ليه الست دايمًا عليها كل المسؤولية؟ ليه المجتمع بيحطها في صندوق محدد ويمنعها تفكر أو تتحرك خارجه؟.

وأضافت: إحنا بنتكلم عن ستات بتربي أجيال، بتشتغل، بتكافح، وبتبني، ومع ذلك بتتحط في أدوار نمطية وبتتمنع من اتخاذ القرارات أو حتى التفكير في القيادة، فهل ده ظلم؟ ولا تقاليد بالية بنرسخها عبر الأجيال؟

وأنهت حديثها برسالة مباشرة للرجال: يا جماعة، أغسلوا رجال مراتكم بالمايه والملح كل يوم، اعرفوا قيمتها وشيلوا معاها الحمل، لو هي بتشتغل وتربي ولادك وتبني مستقبلك، أقل حاجة تعملها إنك تعوضها عن تعبها.