بمناسبة ليلة رأس السنة، والإحتفالات التي تترافق مع هذه الليلة، وجه الممثل السوري مكسيم خليل رسالة إلى متابعين، طلب منهم من خلالها عدم إطلاق الرصاص إبتهاجاً.

وكتب مكسيم عبر حسابه الخاص: "نداء إلى الجهات المختصة للتوجيه بمنع إطلاق الرصاص الحي اثناء الاحتفال:
بكرا رح نودع سنة..آخر شهر فيها كان احلى ايام عشناها من ٥٤ سنة..
قديش حلو نبدى السنة الجديدة من دون إطلاق رصاص ..
قديش حلو نشوف ساحات سورية الحرة عمتضوي بعروض العاب نارية منظمة.
ياريت نشوف سماء الشام وحمص وحلب وادلب
وحماه والاذقية والسويداء و دير الزور وكل المدن ملونة..
خلينا نبني ذاكرة جديدة للأطفال من الأصوات يلي كانت تخوفها..ذاكرة تلمع على عيونهم الوان تعكس ضحكة وفرحة ..
بسنة عنجد هالمرة بينقال فيها
"كل عام وانتو بألف خير".