ودع الفنان المصري حمزة نمرة العام الماضي 2024 بصورة ورسالة مطولة شاركها الجمهور.

وقال حمزة نمرة: "ما بقتش بأفكر أنا أنجزت ايه السنة اللي عدت.. وايه لسه بحلم أوصل له في السنة الجديدة.. عدادات اخترعناها وماشيين وراها نعِدّ ونحتفل ونندم ونقلق ونتفاءل. أنا بقيت بشوف باليوم وبالساعة وبالثانية، كل يوم ربنا بينعم بيه عليا بشوفه رزق كبير من الله، فرصة جديدة ربنا ادهالي وبيشوف هعمل بيها ايه.
ف يارب قدرني أستغل كل لحظة جديدة في كل ما يرضيك، وكل ما هو خير وطيب، وكل ما هو يمكث في الأرض. آمين
ربنا يجعل أيامكم كلها خير وبركة ويرضيكم ويرضى عنكم".