أعلن الدكتور محمد الناظر طبيب الأمراض الجلدية نجل الدكتور الراحل هاني الناظر عن إطلاق مشروعه الجديد لخدمة الناس .

وقال محمد الناظر عبر حسابه الشخصي على موقع التواصل الاجتماعي فيسبوك، ورصده موقع تحيا مصر أن اليوم هو يوم ميلاد الدكتور هاني الناظر المشهور بلقب ”طبيب الغلابة” وبالمناسبة دي حبيت أعلن عن المشروع الجديد ”عيادة طبيب الغلابة" وهو مشروع عيادة مجانية لتكملة ما بدأه الدكتور هاني الناظر لخدمة كل الناس بدون مقابل.

وتابع، المشروع ان شاء الله يبدأ قريبا، في عيادة دكتور هاني السابقة في (٤ شارع ميشيل باخوم، أمام المركز القومي للبحوث، الدقي) ورقم التليفون (01011288191)، موعد  بدء العمل سيتم الإعلان عنه قريبا على الصفحة، العيادة ستكون مجانية، وسيتم التعاقد مع أطباء على أعلى مستوى، وسيتم عمل مشروع استثماري موازي لتغطية كل مصاريف المشروع بإذن الله..

واضاف، البداية ستكون عيادة أمراض جلدية فقط، وان شاء الله في المستقبل تكبر وتتوسع في أماكن أكتر وممكن تخصصات أكتر...أدعوا الله بالتوفيق والتيسير، ونقدر نعمل عمل يخدم الناس خدمة حقيقية ويكون صدقة جارية لطبيب الغلابة، والناس تفضل فاكراه وتدعي له، وتكون بداية الإعلان عنه في نفس يوم ميلاد دكتور هاني الناظر رحمة الله عليه.

ابن هاني الناظر يكشف عن مشروع أمنيه والده قبل رحيله 

وقال محمد الناظر عبر حسابه الشخصي على موقع التواصل الاجتماعي فيس بوك ورصده موقع تحيا مصر ،«في صيف ٢٠٢٣ قبل اكتشاف المرض، اتفقنا نبدأ مشروع جديد مع بعض، المشروع ده كان هيقدم للناس حاجة ماحدش عملها قبل كده في المجال بتاعنا».

وتابع، «زي دلوقتي السنة اللي فاتت أثناء فترة العلاج، كانت حالة دكتور هاني اتحسنت جدا واستجابت للعلاج بشكل مبهر، فكان متحمس جدا وقعد معايا نتناقش في المشروع وازاي انه ناوي لو ربنا كتب له الشفا انه يعمله معايا..

لكن سبحان الله ماكانش له نصيب يشوفه، فأتمنى ربنا يقدرني واقدر اعمل في يوم حاجة تكون امتداد للي هو بدأه في خدمة الناس..»

علاج النخالة البيضاء 

ونشر الحساب الرسمي للدكتور هاني الناظر استشاري الأمراض الجلدية منشور رصده موقع تحيا مصر، «بمناسبة ما انشره عن اثار الشمس  والوقاية والعلاج .. اكرر الحديث عن موضوع لأهميته لكثير من الأمهات وهو مشكلة بتظهر عند الاطفال وبنشوفها دايما في هذا الوقت من السنة وخاصة بعد المصايف  وهي مشكلة البقع اللي لونها ابيض خفيف وخشنة شوية وبتطلع في وجه الاطفال وبنسميها كاطباء جلدية  في مصر " النخالة البيضاء "  وكان الاعتقاد سابقا انها نتيجة نقص ڤيتامين "أ"  او نتيجة وجود طفيليات في الأمعاء».

الوقاية من عطش الجلد 

وتابع، « وفي ناس كانت بتسميها "عطش الجلد " وهذه المشكلة بتسبب خوف للأمهات والاباء لأنهم بيفتكروها مرض البهاق وهذا ليس صحيحا والأبحاث الطبية الحديثة اثبتت انها نوع من الحساسية اللي بتصيب جلد الاطفال ولاحظنا ان التعرض للشمس يظهرها بوضوح .. وللوقاية من شدة ظهورها لابد من عدم التعرض للشمس مباشرة واستخدام الكريمات الواقية أما العلاج فيكون باستخدام كريمات مثل  (Dermatop) او  ( Elidel) أو Perderm يوميا حتي اختفاء البقع ( من ثلاث الي اربع أسابيع ) ».

تعليمات هامة يجب اتباعها في المصيف

بمناسبة المصايف والشمس القوية، بعض التعليمات الهامة:

١- شرب الماء بكميات كبيرة مهم جدا طوال النهار

٢- يفضل عدم نزول البحر أو التعرض للشمس في الفترة من ١٠ صباحا حتى ٣ عصرا

٣- حتى في الأوقات الأخرى محاولة تجنب التعرض المباشر للشمس لفترات طويلة واستخدام شمسية او التواجد دائما في مكان ظل

٤- استخدام كريم حماية من الشمس وتجديده كل ٤ ساعات بالكتير

٥- أكل فواكه الموسم مفيدة جدا في الوقت ده، لأنها تحتوي على كميات كبيرة من الماء ومواد غذائية تحمي الجسم من أشعة الشمس الضارة

٦- مياه البحر مفيدة جدا للجلد ونزول البحر أفيد بكثير جدا من نزول حمامات السباحة

٧- لحماية الشعر من الكلور في حمامات السباحة، يفضل وضع طبقة من زيت زيتون أو زيت جوز هند على الشعر قبل نزول حمام السباحة